TEKNOLOGIAZ!

Teknologia gero eta presenteago dago gure eguneroko bizitzan: mugikorrean, sare sozialetan, komunikatzeko moduan zein informazioa bilatzeko erabiltzen ditugun tresnetan. Baina, benetan, nolakoa da gure harremana teknologiarekin? Zer dakigu atzean dauden enpresei buruz? Eta zenbat baldintzatzen dituzte gure ohiturak?

Galdetegi honek zure erabilera-ohiturak, lehentasunak eta iritziak ezagutzea du helburu. Emaitzekin, gure inguruan teknologiak duen eragina hobeto ulertu eta hausnarketarako baliabide bat sortu nahi dugu.

Zure datuak pribatutasun-adierazpen honen arabera prozesatuko dira: HELBURUA: Teknologiaren erabileraz Lezoko herritarrek hausnartzea. LEGITIMITATEA: Kontrakorik adierazi ezean, baimena ematen diot Zeorriri galdetegi honetan jasotako datuak nahieran erabiltzeko, baita horietatik etekin ekonomikoa ateratzeko ere. Datuen salmentagatik gutxienez haren egoitza finantzatzeko diru nahikorik lortu ezean, erantzulearen etxearen lagapena indarrean jarriko da. Nahi duzunean utzi dezakezu aurreko baimena bertan behera, Zeorriko argitalpenei bihotza emanda eta iruzkinetan lau hitzeko piropo bat idatzita, edota gure info@zeorri.eus postara mezua bidalita. DATUEN ARDURADUNA: Zeorri Eraldaketa Kontakizun. Eposta: info@zeorri.eus. Webgunea: zeorri.eus. General Data Protection Regulation, (EU) 2016/679 legearen arabera. Zalantzarik izanez gero, ikusi azpian harremanetarako xehetasunak.

LiberaForms erabiliz erabili.liberaforms.org webgunean egina